«Бұл кімнің көздері?» атты психологиялық көңіл үзілісі

«Бастауыш – білім бастауы» онкүндігі аясында оқушылардың зейінін, байқампаздығын және эмоционалдық көңіл-күйін көтеру мақсатында «Бұл кімнің көздері?» атты психологиялық көңіл үзілісі өткізілді.

Іс-шара барысында оқушыларға мұғалімдер мен сыныптастарының көздерінің суреттері көрсетіліп, олардың кімге тиесілі екенін табу ұсынылды. Оқушылар белсенді қатысып, қызығушылық танытты. Тапсырма балалардың есте сақтау қабілетін, бір-біріне деген жақын қарым-қатынасын және бақылағыштық қасиеттерін дамытуға ықпал етті.

Көңіл үзілісі көтеріңкі көңіл күйде өтіп, қатысушылар жағымды әсер алды. Іс-шара өз мақсатына жетіп, оқушылардың ұйымшылдығын арттыруға септігін тигізді.